Cicero, Lucullus (XML Header) [genre: prose; philosophy] [word count] [lemma count] [Cic. Luc.]. | ||
<<Cic. Luc. 18 | Cic. Luc. 20 () | >>Cic. Luc. (21) |
19Ordiamur igitur a sensibus . quorum ita clara
iudicia et certa sunt , ut , si optio naturae nostrae
detur et ab ea deus aliqui requirat contentane sit
suis integris incorruptisque sensibus an postulet
melius aliquid , non videam quid quaerat amplius .
nec vero hoc loco expectandum est dum de remo
inflexo aut de collo columbae respondeam ; non enim
-- -- Adhibita
vero exercitatione et arte , ut [Note] oculi pictura teneantur
aures cantibus , quis est quin cernat quanta vis sit
in sensibus . quam multa [Note] vident pictores in umbris
et in eminentia quae nos non videmus ; quam multa
quae nos fugiunt in cantu exaudiunt in eo genere
exercitati , qui primo inflatu tibicinis Antiopam esse
aiunt aut Andromacham , cum id nos ne suspicemur
quidem . nihil necesse est de gustatu et odoratu loqui ,
in quibus intellegentia etsi vitiosa est quaedam
tamen . quid de tactu et eo quidem quem philosophi interiorem vocant aut doloris aut voluptatis ,
in quo Cyrenaici solo putant veri esse iudicium , quia
sentiatur [Note] —
Cicero, Lucullus (XML Header) [genre: prose; philosophy] [word count] [lemma count] [Cic. Luc.]. | ||
<<Cic. Luc. 18 | Cic. Luc. 20 () | >>Cic. Luc. (21) |